《珠峰雪難》第一回
「咇咇咇咇……」一段連續煩擾人心嘅聲音不斷重響起，將我從夢中叫醒。
張開雙眼，眼前一片白色濃霧，將我整個人都包圍，我用盡力伸出左手輕輕一揮，希望撥開濃霧睇清前方，但無論我隻點揮，濃霧仍然揮不去，令我根本分辨唔到前面方向。
「阿明呀！你喺唔喺到呀！應我呀！」突然一把聲音傳到我耳中，此時我先醒覺，我正處於一個危急狀態，原來眼前並唔係濃霧，而係一場暴風雪。
我稍作清醒一下，先意識到自己處於懸崖邊，而自己條安全繩緊扣住正吊在半空嘅阿峰，多得呢條安全繩，阿峰先無直接趺落去。
「阿明！聽唔聽我呀！」阿峰不斷叫我，大概我已經失去意識一段時間。
我用力撐起身體，對住懸崖方向大聲說：「喺到！我依家拉你上嚟！」說罷，我想企穩個人，希望用力拉返阿峰上嚟，但當我想提起雙腳起身時侯，有度力一扯，整個身體都被拉落懸崖邊，我即時將手上嘅冰斧向地下一插，然後緊緊地捉緊……我望向懸崖邊，只差數米，我就被阿峰扯落去。
同時間，阿峰隨之下降，嚇得阿峰大叫：「冷靜冷靜呀！」
呢一刻嘅我，終於完全清醒過嚟。
我同阿峰係大學時期嘅同學，我地兩個自細夢想就係可以登上珠穆朗瑪峰嘅山頂。當時大學同學幾乎無一個人同我有呢個夢想，就只有阿峰一個，所以我地都好珍惜呢份友誼。我地兩個不斷練體能，挑戰過唔同大大小小嘅山，一齊渡過一個又一個嘅挑戰，終於喺我地30歲時侯成功登上珠穆朗瑪峰。
後來我地將呢門興趣發展成事業，開咗間公司，專門幫想登頂嘅旅客，協助佢地踏上珠穆朗瑪峰嘅最高點，以當時收入嚟講，接一單幾乎可以夠用一年洗費。同時間，我同阿峰亦可以不斷享受登上珠穆朗瑪峰嘅喜悅，呢段時期，我地兩個都覺得係最幸福。
琴晚我地凌晨兩點出發，帶同5名旅客，連同幾位同事一齊由四號營地出發，成功將協助旅客登頂。但由於最近太多人想登頂，攪到成條路都佈滿唔同旅團，結果落山時間一直被延誤，最後遇上暴風雪。
我同阿峰各自留咗一支氧氣樽比自己換，其他都交由同事照顧旅客落山，保證佢地安全。
可惜嘅話，阿峰突然失足被扯落懸崖下，將安全繩綁埋一齊嘅我一齊拉落去，令我個頭落地，幸好本能反應令我用冰斧固定地下，但腦震盪下，令我失去意識一段時間。
「咇咇咇咇……」我按熜了氧氣就快完嘅警示，再望望氧氣錶，得返好少氧氣可以用。今次真係唔係講笑，應該係我同阿峰面臨最大危機嘅一次。
我用盡全身力氣想爬起身，但只要我稍作移動，整個人都被扯落去，同時間，我意識到捉緊冰斧嘅力度已經無咁強，身體機能清晰咁話我知，再堅持多陣，我一定會鬆手，然後我同阿峰雙雙趺落去。
「明！你掂唔掂呀！」阿峰聲音開始力弱，但仍然擔心我狀態。
「掂呀……我諗緊辦法……撐住！」我不斷周圍望，試圖搵出任何可以救到阿峰嘅可行性，我不斷用另一隻手亂抓摸索，亦慢慢將自己身體用力移動上去，但所有動作都係無用，反而令自己更加累。
雪愈落愈大，我身上積雪愈嚟愈厚，更何況喺半空中嘅阿峰。
「明！救我呀！趺落去一定會死，我唔想死呀……明！救我！」我感受到阿峰開始情緒失控，佢都意識到自己將近死亡，開始激動地向我求救。
（想睇第一回全文可以點擊入去睇）
（想繼續追落去，請訂閱Patreon支持，會一直持續更新。）
https://www.patreon.com/posts/zhu-feng-xue-nan-47244410
成個二月，我已經請咗大假，每一日都會專注創作故事
所以訂閱嘅人，二月好多嘢睇。
繼《鑽石山行人隧道女屍》、《消失的村子》同一堆短故外，將會繼續新故《珠峰雪難》，希望可以快手寫完再創作另一個故事～
如果你新年無嘢做，就可以慢慢睇故仔。
當然，無訂閱嘅你唔緊要，我都會繼續創作其他故事免費比大家睇＝」總之大家開心，享受。
亦會有更多獨家故事比你地睇，多多支持。
https://www.patreon.com/Homing
Search